Тэатралізаванае прадстаўленне “Каляднае свята”
04.01.2020У год малой радзімы вельмі важна праводзіць мерапрыемствы, накіраваныя на выхаванне цікавасці да народных традыцый. Фальклор з’яўляецца скарбніцай духоўных каштоўнасцей народа, яго мастацкім летапісам, захавальнікам багацейшых нацыянальных традыцый, здольнасцей. У вуснай народнай творчасці знайшлі грунтоўнае адлюстраванне грамадскае і сямейнае жыццё народа, яго вераванні і памкненні, сацыяльныя і эстэтычныя ідэалы, нормы звычаёвага права, погляды на чалавека і сусвет.
Так, напярэдадні святкавання Калядаў вучні 4-7 класаў прынялі ўдзел у тэатралізаваным прадстаўленні “Каляднае свята”. Іх сустрэлі гаспадар Лявон і гаспадыня Лявоніха. У госці на свята таксама прыйшлі Каза і Цыганка – сімвалы Калядак, яны правялі з дзецьмі гульні і карагоды. Цыганка правяла жартоўнае прадсказанне на будучы год кожнаму ўдзельніку.
Свята было насычана жартамі, загадкамі, гульнямі і абрадавымі песнямі. Такія мерапрыемствы аднаўляюць сувязь часоў, мацуюць выпрацаваныя стагоддзямі традыцыі, на лепшых узорах створанага народам мастацтва фарміруюць эстэтычныя пачуцці дзяцей.
Педагог дадатковай адукацыі А.П.Бунькевіч